జాతరను తలపించేలా బడే నాగజ్యోతి నామినేషన్

దిశ, కొత్తగూడ : మేడారం జాతరను తలపించేలా బడే నాగజ్యోతి నామినేషన్ జరిగిందని ములుగు జిల్లా యువజన కార్యదర్శి, తాటివారి వేంపల్లి గ్రామ ఉప సర్పంచ్ గుగులోత్ సురేష్ అన్నారు. శుక్రవారం ములుగు బీఆర్ఎస్ అభ్యర్థి బడే నాగజ్యోతి నామినేషన్ వేస్తున్న సందర్భంగా కొత్తగూడ, గంగారం నుండి భారీగా కార్యకర్తలు తరలి వెళ్లారు. బీఆర్ఎస్ ఎమ్మెల్యే అభ్యర్థి బడే నాగజ్యోతికి మద్దతు పలకడానికి స్వచ్ఛందంగా గ్రామ గ్రామాన నుండి ప్రజలు వచ్చారన్నారు. ప్రతిపక్షాలను ఉద్దేశించి గుగులోత్ సురేష్ మాట్లాడుతూ... ప్రతిపక్షాల గుండెల్లో హడల్ పుట్టేలా ప్రజలు హాజరయ్యారన్నారు. కార్యకర్తలు అడుగడుగునా నాగజ్యోతికి జన నీరాజనం పలికారన్నారు. ములుగులో వార్ వన్ సైడ్ అని అన్నారు. తేలాల్సింది మెజార్టీ మాత్రమే అని ధీమా వ్యక్తం చేశారు. ఈ కార్యక్రమంలో ఏజెన్సీ మండలాలైన కొత్తగూడ, గంగారం నుండి బీఆర్ఎస్ నాయకులు, అభిమానులు, కార్యకర్తలు భారీగా పాల్గొన్నారు.