TVC: తెలంగాణ విజిలెన్స్ కమిషనర్‌గా రిటైర్డ్ ఐఏఎస్ అధికారి ఎమ్ జీ గోపాల్‌

దిశ, డైనమిక్ బ్యూరో: తెలంగాణ విజిలెన్స్ కమిషనర్‌గా రిటైర్డ్ ఐఏఎస్ అధికారి ఎమ్.జీ. గోపాల్ ను నియమిస్తూ ప్రభుత్వం నిర్ణయం తీసుకుంది. ఈ మేరకు తెలంగాణ గవర్నర్ ఉత్తర్వులు జారీ చేశారు. గోపాల్ ఈ పదవిలో 3 సంవత్సరాల పాటు కొనసాగనున్నారు. 1983 ఐఏఎస్ బ్యాచ్ తెలంగాణ విభాగానికి చెందిన ముక్కామల జీ. గోపాల్ రాష్ట్రంలో పలు హోదాల్లో సేవలు అందించారు. 2017 ఫిబ్రవరిలో రిటైరైన ఆయన సేవలను తెలంగాణ ప్రభుత్వం మరోసారి వినియోగించుకోనుంది. ఈ నేపథ్యంలోనే తెలంగాణ విజిలెన్స్ కమిషనర్ గా నియమించింది. ఈ క్రమంలో మంగళవారం నియామక ఉత్తర్వులు జారీ చేశింది. విజిలెన్స్ కమిషనర్ గా గోపాల్ మూడు సంవత్సరాలు పని చేయనున్నారని ఉత్తర్వుల్లో పేర్కొంది.