బ్రేకింగ్: ఆ పరీక్ష తేదీ మార్పు.. TSPSC కీలక ప్రకటన

దిశ, వెబ్‌డెస్క్: తెలంగాణ అసిస్టెంట్ ఇంజనీర్స్ పరీక్ష తేదీని మార్చినట్లు టీఎస్పీఎస్సీ ప్రకటించింది. ఫిబ్రవరి 12న జరగాల్సిన ఈ పరీక్షను మార్చి 5వ తేదీన నిర్వహిస్తామని అధికారులు ఒక ప్రకటనలో తెలిపారు. అదే రోజు  (ఫిబ్రవరి 12) గేట్ ఎగ్జామ్ ఉండటంతో ఈ నిర్ణయం తీసుకున్నట్లు టీఎస్పీఎస్సీ వెల్లడించింది. అభ్యర్థులు ఈ విషయాన్ని గమనించాలని సూచించింది. ఇక, అడ్మిట్ కార్డులను పరీక్ష సమయం కంటే వారం రోజుల ముందు వెబ్‌సైట్‌లో అందుబాటులో ఉంచనున్నారు. కాగా, 833 అసిస్టెంట్ ఇంజినీరింగ్ ఉద్యోగాలకు టీఎస్పీఎస్సీ గతంలో నోటిఫికేషన్ విడుదల చేసిన సంగతి తెలిసిందే.