గవర్నర్ జిష్ణుదేవ్ వర్మను మర్యాద పూర్వకంగా కలిసిన స్పీకర్ గడ్డం ప్రసాద్ కుమార్

దిశ, తెలంగాణ బ్యూరో: లోక్ సభ స్పీకర్ ఓం బిర్లా కుమార్తె వివాహానికి హాజరయ్యేందుకు ఢిల్లీ వెళ్లిన తెలంగాణ రాష్ట్ర శాసనసభాపతి గడ్డం ప్రసాద్ కుమార్ తెలంగాణ భవన్ లో, తెలంగాణ రాష్ట్ర గవర్నర్ జిష్ణు దేవ్ వర్మను మర్యాద పూర్వకంగా కలిసి శాలువాతో సత్కరించి పుష్ఫగుచ్ఛాన్ని అందించారు. ఈ సందర్భంగా వికారాబాద్ నియోజవర్గ విశేషాలను గవర్నర్ కు స్పీకర్ ప్రసాద్ కుమార్ వివరించారు. తెలంగాణ కాశ్మీర్ అనంతగిరి, మూసీ నది జన్మస్థానం, అనంత పద్మనాభ స్వామి దేవాలయం తమ నియోజకవర్గంలో ఉన్నాయని, సందర్శనకు రావాలని గవర్నర్ ను ఆహ్వానించారు. సభాపతి ప్రసాద్ కుమార్ ఆహ్వానానికి గవర్నర్ జిష్ణుదేవ్ వర్మ సానుకూలంగా స్పందించారు.