టీఎస్‌ సెట్‌ ఫలితాలు విడుదల

దిశ, తెలంగాణ బ్యూరో: తెలంగాణ రాష్ట్రంలో అసిస్టెంట్‌ ప్రొఫెసర్‌, లెక్చరర్‌ పోస్టులకు అర్హత సాధించేందుకు నిర్వహించిన టీఎస్‌ సెట్‌ పరీక్ష ఫలితాలను అధికారులు ప్రకటించారు. ఈ మేరకు టీఎస్‌ సెట్‌ మెంబర్‌ సెక్రెటరీ ప్రొఫెసర్‌ మురళీకృష్ణ బుధవారం ఒక ప్రకటనలో పేర్కొన్నారు. అభ్యర్థులు వారి వ్యక్తిగత హాల్‌టికెట్‌ నంబర్‌, పుట్టిన రోజు తేదీలను ఎంటర్‌ చేసి స్కోర్‌ కార్డులను పొందవచ్చని పేర్కొన్నారు. అర్హత సాధించిన వారికి సర్టిఫికెట్‌ వెరిఫికేషన్‌ నిర్వహించే తేదీలను త్వరలోనే తమ వెబ్‌సైట్‌ ద్వారా ప్రకటిస్తామని వివరించారు. వివరాలకు http://www.telanganaset.org వెబ్ సైట్ సందర్శించాలని సూచించారు.