తెలంగాణలో భారీగా ఐపీఎస్‌ అధికారుల బదిలీ
14 మంది ఐపీఎస్‌లను బదిలీలు చేస్తూ ప్రభుత్వ ప్రధాన కార్యదర్శి శాంతికుమారి ఆదివారం ఉత్తర్వలు జారీ చేశారు.
దిశ, తెలంగాణ క్రైం బ్యూరో: 14 మంది ఐపీఎస్‌లను బదిలీలు చేస్తూ ప్రభుత్వ ప్రధాన కార్యదర్శి శాంతికుమారి ఆదివారం ఉత్తర్వలు జారీ చేశారు. కాంగ్రెస్అధికారంలోకి వచ్చిన తరువాత పోలీసు శాఖలో భారీ స్థాయిలో ప్రక్షాళన జరగటం ఖాయమన్న అభిప్రాయం వ్యక్తమైన విషయం తెలిసిందే. ఈ క్రమంలోనే తాజా ట్రాన్స్ఫర్లు జరిగాయి. మరికొన్ని రోజుల్లో ఇంకా బదిలీలు ఉంటాయని పోలీసు వర్గాలు చెబుతున్నాయి. ప్రస్తుతం హైదరాబాద్కమిషనరేట్‌లో స్పెషల్బ్రాంచ్అదనపు కమిషనర్‌గా ఉన్న విశ్వప్రసాద్‌ను ట్రాఫిక్అదనపు కమిషనర్‌గా నియమించారు. ఇక, పోస్టింగ్కోసం ఎదురు చూస్తున్న ఏవీ. రంగనాథ్‌కు హైదరాబాద్జాయింట్కమిషనర్(సిట్, క్రైమ్స్)గా పోస్టింగ్ఇచ్చారు. ఇంటెలిజెన్స్‌లో ఎస్పీగా ఉన్న ఎస్.ఎం.విజయ్కుమార్‌ను హైదరాబాద్వెస్ట్జోన్డీసీపీగా నియమించారు.
వెస్ట్జోన్డీసీపీగా ఉన్న జోయల్డెవిస్‌ను హైదరాబాద్స్పెషల్బ్రాంచ్డీసీపీగా నియమించారు. ఇక, మెదక్ఎస్పీగా ఉన్న రోహిణి ప్రియదర్శిణికి హైదరాబాద్నార్త్జోన్డీసీపీగా పోస్టింగ్ఇచ్చారు. నార్త్జోన్డీసీపీగా ఉన్న చందనా దీప్తిని అక్కడి నుంచి బదిలీ చేశారు. సిద్దిపేట పోలీస్కమిషనర్‌గా ఉన్న ఎన్.శ్వేతను అక్కడి నుంచి ట్రాన్స్ఫర్చేసి హైదరాబాద్నేరపరిశోధక విభాగం డీసీపీగా నియమించారు. పోస్టింగ్కోసం ఎదురు చూస్తున్న ఎల్.సుబ్బరాయుడుకు హైదరాబాద్ట్రాఫిక్–1 డీసీపీగా పోస్టింగ్ఇచ్చారు. హైదరాబాద్టాస్క్ఫోర్స్డీసీపీగా ఉన్న నితికా పంత్‌ను అక్కడి నుంచి బదిలీ చేసి డీజీపీ ఆఫీస్‌కు రిపోర్టు చేయాల్సిందిగా సూచించారు. ఇక, హైదరాబాద్జాయింట్కమిషనర్‌గా ఉన్న గజరావు భూపాల్‌ను కూడా డీజీపీ కార్యాలయంలో రిపోర్టు చేయాల్సిందిగా సూచించారు.
నాన్కేడర్ ఐపీఎస్‌ల బదిలీలు..
ఇక, మరో ఐదుగురు నాన్క్యాడర్ఐపీఎస్‌లను బదిలీలు చేస్తూ హోంశాఖ ముఖ్య కార్యదర్శి జితేందర్ఉత్తర్వులు జారీ చేశారు. పోస్టింగ్కోసం ఎదురు చూస్తున్న ఎన్.వెంకటేశ్వర్లుకు హైదరాబాద్ట్రాఫిక్–3 డీసీపీగా పోస్టింగ్ఇచ్చారు. అక్కడ ఉన్న డీ.శ్రీనివాస్‌ను డీజీపీ కార్యాలయంలో రిపోర్టు చేయాల్సిందిగా సూచించారు. రాచకొండ కమిషనరేట్‌లో రోడ్డు సేఫ్టీ డీసీపీగా ఉన్న శ్రీబాల దేవికి హైదరాబాద్టాస్క్ఫోర్స్డీసీపీగా పోస్టింగ్ ఇచ్చారు. మాదాపూర్డీసీపీ సందీప్‌ను అక్కడి నుంచి ట్రాన్స్ఫర్చేసి రైల్వే ఎస్పీ (అడ్మిన్)గా నియమించారు. అక్కడ ఉన్న రాఘవేందర్రెడ్డిని డీజీపీ కార్యాలయంలో రిపోర్టు చేయాల్సిందిగా సూచించారు.