చిరంజీవితో తోట చంద్రశేఖర్ భేటీ.. పార్టీ మార్పుపై ఉత్కంఠ

దిశ, తెలంగాణ బ్యూరో : కేంద్ర మాజీ మంత్రి, సినీ నటుడు చిరంజీవితో ఏపీ బీఆర్ఎస్ రాష్ట్ర అధ్యక్షుడు తోట చంద్రశేఖర్ గురువారం భేటీ అయ్యారు. చిరంజీవికి పద్మ విభూషణ్ రావడంపై తోట చంద్రశేఖర్ శుభాకాంక్షలు తెలిపారు. తోట జనసేనలో చేరుతారన్న విస్తృత ప్రచారం జరుగుతున్న నేపథ్యంలో వీరిరువురి కలయిక ప్రాధాన్యతను సంతరించుకుంది. ఏపీ రాష్ట్రంలో ప్రస్తుతం జరుగుతున్న రాజకీయ పరిణామాలతో పాటు పలు అంశాలను చర్చించినట్లు సమాచారం. గుంటూరు పశ్చిమ నియోజకవర్గం అసెంబ్లీ టికెట్ చంద్రశేఖర్ ఆశిస్తున్నట్లు విస్తృత ప్రచారం జరుగుతుంది. ఇక, తోట చంద్రశేఖర్ త్వరలోనే బీఆర్ఎస్‌ను వీడుతున్నట్లు విశ్వసనీయ సమాచారం.