Khairatabad Ganesh : ఖైరతాబాద్ గణేషుడి ప్రత్యేకతలు ఇవే..

దిశ, వెబ్‌డెస్క్: గణేష్ నవరాత్రి ఉత్సవాలు అనగానే అందరకీ మొదట గుర్తోచ్చేది హైదరాబాద్‌లోని ఖైరతాబాద్ గణేషుడు. ప్రపంచవ్యాప్తంగా గుర్తింపు తెచ్చుకుంటున్న ఖైరతాబాద్ వినాయకుడు ఈ ఏడాది శ్రీ దశమహా విద్యాగణపతిగా భక్తులకు దర్శనమిస్తున్నారు. అయితే ఈ ఏడాది ఖైరతాబాద్ గణేషుడి ప్రత్యేకతలు ఏంటో తెలుసుకుందాం..

 ఖైరతాబాద్ వినాయకుడి ప్రత్యేకతలు..

* గతేడాది 50 అడుగుల ఎత్తులో వెలసిన ఖైరతాబాద్ గణేషుడు.. ఈ ఏడాది 63 అడుగులకు రూపుదిద్దుకుంది.

* శ్రీ దశమహా విద్యా గణపతి విగ్రహం నిలబడి ఉండగా.. తలపై ఏడు సర్పాలు ఉన్నాయి.

* వెనుక భాగంలో సంస్కృతంలో వ్రాసిన వచనం కనిపిస్తుంది.

* అలాగే గణేషుడికి 10 చేతులు ఉన్నాయి. కుడిచేతుల్లో కింది నుంచి పై వరకు ఆశీర్వాదం, దండ, ధాన్యం, త్రిశూలం, గధ ఉండగా.. ఎడమవైపు చేతిలో కింది నుంచి పై లడ్డు, పుస్తకం, తాడు, కత్తి, శంకం ఉన్నాయి.

* పాదాల దగ్గర పది అడుగుల ఎత్తున వరాహ దేవి, సరస్వతీ దేవి విగ్రహాలు ఉన్నాయి.

* ప్రధాన మండపానికి ఇరువైపులా దాదాపు 15 అడుగుల ఎత్తులో శ్రీ పంచముఖ లక్ష్మీ నరసింహ స్వామి, శ్రీ వీరభద్ర స్వామి విగ్రహాలు ఏర్పాటు చేశారు.

ముఖ్యంగా పర్యావరణహితం కోసం మట్టి గణపతిని ఏర్పాటు చేసినట్లు నిర్వాహకులు తెలుపుతున్నారు.