తెలంగాణలో మార్పు వచ్చింది!.. బీఆర్ఎస్ నేత కేటీఆర్ ఆసక్తికర ట్వీట్

దిశ, డైనమిక్ బ్యూరో: తెలంగాణలో మార్పు వచ్చిందని, ఇందిరమ్మ పాలనలోని ఎమర్జెన్సీ రోజులు గుర్తుకొచ్చేలా ఇనుప కంచెలు తెచ్చిందని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. గన్ పార్క్ వద్ద కంచెలు వేయడంపై స్పందించిన ఆయన తెలంగాణ అమరవీరుల స్థూపం ఉన్న హైదరాబాద్ లోని గన్ పార్క్ వద్ద శుక్రవారం ఇనుప కంచె మొలిచింది అని రాసి ఉన్న ఫోటో ను ట్విట్టర్ లో పోస్ట్ చేశారు. దీనిపై మార్పు వచ్చింది.. ఇందిరమ్మ పాలనలోని ఎమర్జెన్సీ రోజులు గుర్తుకొచ్చేలా తెలంగాణ అమరుల స్థాపానికి కూడా ఇనుప కంచెలు తెచ్చిందని ఎక్స్ లో రాసుకొచ్చారు. కాగా తెలంగాణ అవతరించి పది సంవత్సరాలు పూర్తి చేసుకున్న సందర్భంగా దశాబ్ది ఉత్సవాలు ఘనంగా నిర్వహించాలని ప్రభుత్వం నిర్ణయించుకుంది. దీంతో గన్ పార్క్ వద్ద ఇనుప కంచెలతో భారీ బందోబస్తు ఏర్పాటు చేసి అమరవీరుల స్థూపానికి అలంకరణ కార్యక్రమాలు చేపట్టారు. ఇక బీఆర్ఎస్ పార్టీ అవతరణ వేడుకలను ఇవ్వాళ సాయంత్రం గన్ పార్క్ వద్దనుండి ప్రారంభించనున్న నేపథ్యంలో కేటీఆర్ ఈ ట్వీట్ చేయడం ఆసక్తిగా మారింది.