RSP : ఆర్ఎస్ ప్రవీణ్ కుమార్ ఇంట్లో చోరీ.. విలువైన పత్రాలు మాయం! ఎక్స్ వేదికగా డీజీపీకి ఫిర్యాదు

దిశ, డైనమిక్ బ్యూరో: కొమురంభీమ్ జిల్లా కాగజ్ నగర్ మండలంలోని కోసినిలో బీఆర్ఎస్ నేత, రిటైర్డ్ ఐపీఎస్ ఆర్ఎస్ ప్రవీణ్ కుమార్ ఇంట్లోకి దూరి దొంగలు చోరీకి పాల్పడ్డారు. బీరువా తాళాలు పగులగొట్టి విలువైన పత్రాలు ఎత్తుకెళ్లినట్లు తెలుస్తుంది. ఈ నేపథ్యంలోనే కేసు నమోదు చేసి పోలీసులు విచారణ చేస్తున్నారు. ఈ విషయాన్ని ఆర్ఎస్ ప్రవీణ్‌కుమార్ గురువారం ఎక్స్ వేదికగా వెల్లడించారు.

తెలంగాణలో దోపిడీ దొంగల పాలన నడుస్తున్నదని మండిపడ్డారు. ఇది ముమ్మాటికీ నిజమని, నిన్న సిర్పూర్-కాగజ్ నగర్ కోసిని గ్రామంలోని మా స్వగృహంలో దొంగలు పడ్డారు.. అని తెలిపారు. కొన్ని విలువైన డాక్యుమెంట్లు దొచుకోని పోయారని వెల్లడించారు. దీని వెనుక ఉన్న కుట్ర కోణాన్ని కూడా శోధించాలని తెలంగాణ డీజీపీకి ఎక్స్ వేదికగా కోరారు.