విద్యార్థులకు గుడ్ న్యూస్..రేపు స్కూళ్లకు సెలవు ప్రకటించిన ప్రభుత్వం

దిశ,వెబ్‌డెస్క్: తెలుగురాష్ట్రాల్లోని విద్యార్థులకు ప్రభుత్వం గుడ్ న్యూస్ చెప్పింది. మొహర్రం సందర్భంగా రేపు(బుధవారం) ఏపీ, తెలంగాణలో పబ్లిక్ హాలిడే ఉండనున్నట్లు తెలిపింది. స్కూళ్లు, కాలేజీలతో పాటు ప్రభుత్వ కార్యాలయాలు మూసి ఉండనున్నాయి. ఈ నేపథ్యంలో జూలై 17వ తేదీన హిందువుల తొలి ఏకాదశి, ముస్లింల మొహర్రం సందర్భంగా సెలవు ఉంటుందని తెలంగాణ ప్రభుత్వం తెలిపింది. ఇస్లామిక్ క్యాలెండర్‌లో ఇది మొదటి నెల. ఈ మాసంలో ముస్లింలు సంతాపం తెలుపుతారు. మహమ్మద్ ప్రవక్త మనవడు హుసేన్ ఇబ్న్ అలీ బంధువులతో కలిసి అమరుడైన రోజని ముస్లిం పెద్దలు చెబుతారు. ఈ క్రమంలో రేపు ఆంధ్రప్రదేశ్, తెలంగాణలో సెలవు దినంగా ప్రకటించారు.