INS-SS ప్రవేశపరీక్షలో మెరిసిన కండక్టర్ కూతురు.. సజ్జనార్ ప్రత్యేక ట్వీట్

దిశ, వెబ్‌డెస్క్: ఇన్‌స్టిట్యూట్ ఆఫ్ నేషనల్ ఇంపార్టెన్స్ సూపర్ స్పెషాలిటీ (ఐఎన్ఎస్-ఎస్ఎస్) ప్రవేశ పరీక్షలో కండక్టర్ పి.మహాలింగం కూతురు మౌనిక సత్తా చాటారు. కాగా, ఆమెను ట్విట్టర్ వేదికగా ఆర్టీసీ ఎండీ సజ్జనార్ ప్రశంసించారు. డాక్టర్ ఆఫ్ మెడిసిన్ కోర్సుల్లో ప్రవేశానికి ఆలిండియా ఇన్ స్టిట్యూట్ ఆఫ్ మెడికల్ సైన్సెస్ నిర్వహించిన ఈ పరీక్షలో అంకాలజీ విభాగంలో ఆమె జాతీయ స్థాయిలో రెండో ర్యాంకు సాధించారు. పట్టుదల, ఏకాగ్రతతో చదివి జాతీయ స్థాయిలో అత్యుత్తమ ర్యాంకు సాధించిన మౌనికకు అభినందనలు తెలిపారు. భవిష్యత్తులో ఆమె ఉన్నత స్థాయికి ఎదగాలని ఆకాంక్షిస్తున్నాను అని ట్వీట్ చేశారు.