కేటీఆర్ లాంటి పిరికిపందను ఎక్కడా చూడలేదు: ఆర్ఎస్ ప్రవీణ్ కుమార్

దిశ, డైనమిక్ బ్యూరో: మంత్రి కేటీఆర్‌పై బీఎస్పీ చీఫ్ ఆర్ ప్రవీణ్ కుమార్ ఆగ్రహం వ్యక్తం చేశారు. వరంగల్‌లో మంత్రి కేటీఆర్ పర్యటన దృష్ట్యా పలువురు బీఎస్పీ కార్యకర్తలను పోలీసులు ముందస్తు అరెస్ట్ చేశారు. ఈ చర్యను ఆర్ఎస్ ప్రవీణ్ కుమార్ తప్పుబట్టారు. ట్విట్టర్ ద్వారా స్పందిస్తూ బీఆర్ఎస్ పార్టీ, మంత్రి కేటీఆర్‌ లాంటి పిరికిపందలను తానెక్కడా చూడలెదన్నారు. మంత్రి పర్యటనలుంటే రాత్రికి రాత్రి బీఎస్పీ కార్యకర్తలను అరెస్ట్ చేసుడేందని ప్రశ్నించారు. తామెక్కడా మంత్రి సభలను అడ్డుకోలేదని, అలాంటి దుష్ట సంప్రదాయం తమకు లేదని ఎద్దేవా చేశారు. బీఎస్పీ కార్యకర్తల అరెస్ట్‌పై కోర్టుకెళ్తామని ఆర్ ప్రవీణ్ కుమార్ స్పష్టం చేశారు.