తెలంగాణ ఆర్టీసీలో పోస్టుల భర్తీ.. దరఖాస్తులకు ఆహ్వానం

దిశ వెబ్ డెస్క్: తెలంగాణ వ్యాప్తంగా అన్ని డిపోల్లో ఖాళీగా ఉన్న నాన్ ఇంజనీరింగ్ అప్రెంటిస్ పోస్టులు భర్తీ చేస్తున్నట్లు టీఎస్ఆర్టీసీ ఎండీ సజ్జనార్ తెలిపారు. తెలంగాణ రాష్ట్ర రోడ్డు రవాణా సంస్థ ఈ మేరకు ప్రకటన జారీ చేసినట్లు ఆయన తెలిపారు.

అప్రెంటిస్ శిక్షణ పొందేందుకు అర్హులైన నాన్ ఇంజనీరింగ్ గ్రాడ్యుయేట్ అనగా బీకామ్, బీఎస్సీ, బీఏ, బీబీఏ, బీసీఏ విద్యార్ధుల నుంచి ఆన్ లైన్ లో దరఖాస్తులకు ఆహ్వానిస్తున్నట్లు తెలిపారు. అర్హులైన అభ్యుర్ధులు టీఎస్ఆర్టీసీ అధికారిక వెబ్సైట్ www.tsrtc.telangana.gov.in లో పేర్కోన్న నిబందనలు మరియు షరతులతో సంతృప్తి చెందడం ద్వారా ఆన్ లైన్‌లో https:nats.education.gov.in వెబ్ పోర్టల్లో తమ పేర్లను నమోదు చేసుకొని TSRTC ESTABLISHMENT ఎంపిక చేసుకోవాలని వివరించారు. ఈ దరఖాస్తులకు ఫిబ్రవరి 02 ను చివరి తేదీగా నిర్ణయించామన్నారు.