పెద్దేముల్ లోని శ్రీ కనకదుర్గ వైన్ షాపులో చోరీ

దిశ, పెద్దేముల్: వైన్ షాపులో చోరీ జరిగిన సంఘటన శుక్రవారం రాత్రి పోలీస్ స్టేషన్ పరిధిలో చోటుచేసుకుంది. వైన్ షాప్ యజమాని వివరాల ప్రకారం..పెద్దేముల్ మండల కేంద్రంలోని శ్రీ కనక దుర్గ వైన్స్ లో నిన్న రాత్రి దొంగతనం జరిగినట్లు వైన్ యజమాని వెల్లడించారు. యజమాని తెలిపిన వివరాల ప్రకారం.. శుక్రవారం రోజు రాత్రి 10 గంటలకు దుకాణాన్ని మూసి, మరుసటి రోజు శనివారం ఉదయం యథావిధిగా వైన్స్ షాప్ తెరిచి సరికి, షాప్ లో ఉన్న సరుకు చిందరవందరగా కనిపించడంతో అనుమానం రావడంతో పోలీసులకు తెలియజేసి దరఖాస్తు చేసినట్లు వైన్స్ యజమాని పేర్కొన్నారు. ఈ సందర్భంగా కేసు నమోదు చేసి దర్యాప్తు చేస్తున్నట్లు పెద్దేముల్ ఎస్ఐ గిరి తెలిపారు.