Sabitha Indra Reddy : హైడ్రాకు భయపడాల్సిన పనిలేదు,నేను మీకు అండగా ఉంటా

దిశ, మీర్ పేట్ : కార్పొరేషన్ పరిధిలోని మంత్రాల చెరువు, చందనం చెరువు సమీపంలోని ఎఫ్డిఎల్, బఫర్ జోన్ లలో నివసిస్తున్న నిరుపేద ప్రజలు హైడ్రా కు భయపడాల్సిన అవసరం లేదు నేను మీకు అండగా ఉంటానని మాజీ మంత్రి, ఎమ్మెల్యే సబితా ఇంద్రారెడ్డి భరోసానిచ్చారు. ఈ సందర్భంగా ఆదివారం కార్పొరేషన్ పరిధిలోని సర్వోదయ నగర్ కాలనీ, యం ఎల్ ఆర్ కాలనీ, ప్రగతి కాలనీ, శివాజీ నగర్ వాసులు క్యాంపు కార్యాలయంలో ఎమ్మెల్యే సబితా ఇంద్రారెడ్డి ని మర్యాదపూర్వకంగా కలిసి హైడ్రా గూర్చి వివరించారు.

ఈ సందర్భంగా ఎమ్మెల్యే మాట్లాడుతూ... రాజకీయ దురుద్దేశంతో చెరువు దగ్గరకు వచ్చి నియోజకవర్గంపై ఎలాంటి అవగాహన లేకుండా ఇష్టానుసారంగా కొంతమంది మాట్లాడుతున్నారని ముందుగా ఈ చెరువు కింది ప్రాంతంలో 5000 కుటుంబాలు 30 సంవత్సరాలుగా నివసిస్తున్నారని ఏ విధంగా కులుస్తారన్నారు.ఈ కార్యక్రమంలో సర్వోదయ నగర్ కాలనీ అధ్యక్షుడు రామచంద్ర, సిద్దయ్య, శివకుమార్, మాజీ ఎంపీటీసీ విజయలక్ష్మి, శుభం, శ్రీనివాసరావు, శ్రీకాంత్, పాపయ్య, వీరస్వామి, ధనలక్ష్మి తదితరులు పాల్గొన్నారు.