ఆదమరిస్తే అనంత లోకాలకే..

దిశ ప్రతినిధి, బంట్వారం/కోటపల్లి : వికారాబాద్ జిల్లా కోటపల్లి మండలం ఓగులాపూర్ గేటు సమీపంలో గల కల్వర్టు అతి దారుణంగా మారింది. ఆదమరిస్తే అనంత లోకాలకు వెళ్లాల్సిన పరిస్థితి ఎదురైంది. కోటపల్లి నుండి, తాండూర్ వెళ్లే రోడ్డు, ఓగులాపూర్ గేట్ దగ్గర రోడ్డు పరిస్థితి దారుణంగా తయారైంది. ఈ రోడ్డు గుండా రోజు పదుల సంఖ్యలో వాహనాల రాకపోకలు సాగిస్తారు.

సంబందింత రోడ్డు రవాణా అధికారులకు ఎన్నిసార్లు చెప్పినా నిమ్మకు నీరేత్తినట్లు వ్యవహరిస్తున్నారు. కావున వెంటనే సంబందించిన అధికారులు, తగు చొరవ తీసుకొని, వెంటనే కల్వర్ట్ నిర్మాణం చెయ్యాలని వాహన దారులు కోరుతున్నారు. ప్రమాదం జరుగకముందే ఈ కల్వర్టు నిర్మాణం చేపట్టాలని, ఓగులాపూర్, సల్బత్తాపూర్, మారేపల్లి, నాగసముందర్, పెద్దేముల్, అన్నసాగర్, తదితర గ్రామస్తులు ఆవేదన వ్యక్తం చేస్తున్నారు. కనీసం బారికేడ్లు పెట్టి ప్రమాదం జరుగకుండా చూడాలని అన్నారు. లేని పక్షంలో జిల్లా కలెక్టర్ కి ఫిర్యాదు చేస్తామని హెచ్చరించారు.