Director Boyapati : ప్రముఖ నటుడి గృహ ప్రవేశానికి హాజరైన దర్శకుడు బోయపాటి శ్రీనివాస్

దిశ, బొంరాస్ పేట్ :- దుద్యాల మండలంలోని హస్నాబాద్ గ్రామంలో సోమవారం సినీ నటులు సందడి చేశారు. బహుబలి చిత్రంలో కాలకేయ పాత్రలో నటించిన ప్రముఖ నటుడు ప్రభాకర్ సొంత గ్రామమైన హస్నాబాద్ లో నూతన గృహాన్ని నిర్మించారు. సోమవారం గృహప్రవేశం చేసిన సందర్భంగా,ప్రముఖ దర్శకుడు బోయపాటి శ్రీనివాస్, నటుడు దిల్ రమేష్ లు హాజరయ్యారు. వారిని ప్రభాకర్,సతీమణి రాజ్యలక్ష్మిలు సాదరంగా ఆహ్వానించారు. మొదటిసారిగా గ్రామానికి దర్శకుడు బోయపాటి శ్రీనివాస్ రావడంతో,అభిమానులు అధిక సంఖ్యలో వచ్చారు.సినీ నటులను చూడడానికి గ్రామస్తులు ఉత్సాహం చూపారు. బోయపాటితో ఫొటో దిగేందుకు అభిమానులు ఎగబడ్డారు.అభిమానులతో కాసేపు ముచ్చటించారు. భోజనం చేసిన తర్వాత,తిరిగి హైదరాబాద్ వెళ్ళిపోయారు.