కాంగ్రెస్ ది దుష్ట రాజకీయం : పైలెట్ రోహిత్ రెడ్డి

దిశ, తాండూరు : రాష్ట్రంలో, తాండూరు లో కాంగ్రెస్ దుష్ట రాజకీయం చేస్తున్నారని, కాంగ్రెస్ అధికారంలో ఉన్న రాష్ట్రాలలో ఏం చేశారో చెప్పాలని బీఆర్ఎస్ ఎమ్మెల్యే అభ్యర్థి పైలెట్ రోహిత్ రెడ్డి డిమాండ్ చేశారు. ఆదివారం తాండూరు పట్టణంలో ని తన నివాసంలో విలేకరుల సమావేశం నిర్వహించారు. ఈ సందర్భంగా ఎమ్మెల్యే పైలెట్ రోహిత్ రెడ్డి మాట్లాడుతూ... కాంగ్రెస్‌ నేతలు ఓట్లకోసం కుట్ర రాజకీయాలు చేసే నేతలపట్ల అప్రమత్తంగా ఉండాలని తెలంగాణ ప్రజలకు పిలుపునిచ్చారు. కాంగ్రెస్ తాటాకు చప్పట్లకు భయపడేది లేదన్నారు. ఎన్ని కుట్రలు పన్నినప్పటికిని ప్రజల మద్దతు ఉందన్నారు. రాజకీయ కుట్ర తో పాటు నాపై కూడా కుట్రలు చేస్తున్నారని అన్నారు. ఎన్ని కుట్రలు చేసినా అదిరేది లేదు బెదిరేది లేదన్నారు. పట్టణం తో పాటు గ్రామాల్లో బీఆర్ఎస్ కు విశేష ఆదరణ ఉందన్నారు.

కాంగ్రెస్ నేతలు ప్రజలను మభ్యపెట్టి, మాయమాటలు చెప్పి మోసం చేస్తున్నారు. దొంగలు దొంగలు ఒక్కటై లేని పోని కుట్రలు చేస్తున్నారు.ఎన్నికల్లో తాండూరు నియోజకవ ర్గంలో బీఆర్ఎస్ పార్టీ ఘన విజయం ఖాయమని అన్నారు. జతకట్టి జయ కేతనం ఎగుర వేద్దామన్నారు. గ్రామాల్లో కాంగ్రెస్ నేతలు ప్రజలను భయ బ్రాంతులకు గురి చేస్తున్నారని తెలిపారు. లేనిపోని ఆరోపణలు చేస్తే సహించబోమన్నారు. అన్ని సంఘాల ప్రజలతో కలిసి వేలుతున్నామని ప్రతి ఒక్కరి ఆవకాశం తనవైపే ఉందన్నారు. బీఆర్ఎస్ ప్రవేశపెట్టిన సంక్షేమ పథకాలను ప్రజల్లోకి తీసుకెళ్లాలని కోరారు. దిగజారుడు రాజకీయాలు మానుకోవాలన్నారు. ఈ సమావేశంలో రాష్ట్ర బీఆర్ఎస్ లీడర్ కరణం పురుషోత్తం రావు, సిద్రాల శ్రీను, తదితరులు ఉన్నారు