Accident : కారు, ఆటో, బైక్ ఢీ…ఒకరు మృతి నలుగురికి తీవ్ర గాయాలు
కారు, ఆటో, బైకు మూడు ఒక దానికి ఒకటి ఢీకొనడంతో ఒకరు మృతి చెందగా, నలుగురికి తీవ్ర గాయాలై, 11 మంది స్వల్పంగా గాయపడిన సంఘటన సోమవారం యాచారం పోలీస్ స్టేషన్ పరిధిలో చోటు చేసుకుంది.
దిశ, యాచారం : కారు, ఆటో, బైకు మూడు ఒక దానికి ఒకటి ఢీకొనడంతో ఒకరు మృతి చెందగా, నలుగురికి తీవ్ర గాయాలై, 11 మంది స్వల్పంగా గాయపడిన సంఘటన సోమవారం యాచారం పోలీస్ స్టేషన్ పరిధిలో చోటు చేసుకుంది. స్థానికులు, తెలిపిన వివరాల ప్రకారం..మండల పరిధిలోని నందివనపర్తి, గ్రామానికి చెందిన 14 మంది మహిళలు మాడ్గుల మండలం పరిసర ప్రాంతాల్లో పత్తి, పొలాల్లో పనిచేయటానికి కూలికి వెళ్లి తిరిగి తమ గ్రామానికి వస్తున్నారు. యాచారం మండల కేంద్రంలోని డిఎస్ఆర్ గార్డెన్ వద్దకు చేరుకోగానే వెనక నుంచి వచ్చిన కారు ఆటోను ఢీకొనగా అది బైకును ఢీకొని పల్టీలు కొడుతూ రోడ్డు పక్కన చెట్ల పొదల్లో పడిపోవడంతో బుచ్చమ్మ, (40) యాదమ్మ, (38) అండాలు, (36) ద్విచక్ర వాహనంపై ప్రయాణిస్తున్న అరుణ్ సాయి, (28) నరేష్ కు తీవ్ర గాయాలు అయ్యాయి. మరో 11 మంది స్వల్పంగా గాయపడటంతో పోలీసులు ఘటన స్థలానికి చేరుకొని చికిత్స కోసం 108 అంబులెన్స్ లో మాల్, లోని పీపుల్స్ ఆసుపత్రికి తరలించారు. బుచ్చమ్మ, (40) పరిస్థితి విషమించడంతో మెరుగైన చికిత్స కోసం హైదరాబాదుకు తరలిస్తుండగా మార్గమధ్యంలో మృతి చెందింది. పోలీసులు కేసు నమోదు చేసి దర్యాప్తు చేస్తున్నారు.