ఘనంగా ప్రారంభమైన బ్రహ్మొత్సవాలు..
పరిగిలోని శ్రీ లక్ష్మీ వెంకటేశ్వర స్వామి 32వ వార్షిక బ్రహ్మోత్సవాలు బుధవారం ఘనంగా ప్రారంభమయ్యారు.
దిశ, పరిగి : పరిగిలోని శ్రీ లక్ష్మీ వెంకటేశ్వర స్వామి 32వ వార్షిక బ్రహ్మోత్సవాలు బుధవారం ఘనంగా ప్రారంభమయ్యారు. పరిగి మాజీ ఎమ్మెల్యే, మాజీ డిప్యూటీ స్పీకర్ కొప్పుల హరీశ్వర్ రెడ్డి – గిరిజాదేవి ఆధ్వర్యంలో ఈ బ్రహ్మత్సవాలకు ఘనంగా ఏర్పాట్లు చేశారు. పరిగి ఎమ్మెల్యే కొప్పుల మహేశ్ రెడ్డి ఆయన సతీమణి కొప్పుల ప్రతిమారెడ్డి, టీఆర్ఎస్ నాయకులు కొప్పుల అనిల్ రెడ్డి– దీప్తి, జెడ్పీటీసీ దంపతులు బేతు ప్రవీణ్ కుమార్ రెడ్డి–హరిప్రియ మరి కొందరు దంపతులు యజ్జం నిర్వహించారు. శ్రీ లక్ష్మీ వెంకటేశ్వర స్వామి మంత్రోత్సవాలతో పరిగి పట్టణం మారుమోగింది.
నిత్యపూజ, మంగళహారతి అభిషేకం తదితర ప్రత్యేక పూజలతో యాగాలు చేశారు. అనంతరం భక్తులకు అన్నదానం ఏర్పాటు చేశారు. ఈ పూజా కార్యక్రమంలో పరిగి మున్సిపల్ చైర్మన్ ముకుంద అశోక్ కుమార్, ఏఎంసీ చైర్మన్ అంతిగారి సురేందర్ కుమార్, పీఏసీఎస్ వైస్ చైర్మన్ శివన్నోళ్ల భాస్కర్, మండల పార్టీ అధ్యక్షులు రొయ్యల ఆంజనేయులు తదితరులు పాల్గొన్నారు.