రాష్ట్రంలో ఈ తేదీల్లో భారీ వర్షాలు.. వాతావరణ శాఖ గుడ్‌న్యూస్

దిశ, వెబ్‌డెస్క్: ప్రస్తుతం రెండు తెలుగు రాష్ట్రాల్లో ఎండలు భగ్గుమంటున్నాయి. మే నెల రాకముందే ఈ రీతిలో ఎండలు దంచికొట్టడంతో జనాలు అప్రమత్తంగా ఉండాలని.. ఇప్పటికే వాతావరణ శాఖ అధికారులు వెల్లడించారు. ప్రస్తుతం 40 డిగ్రీలకు పైగా ఉష్ణోగ్రతలు నమోదవుతున్నాయి. దీంతో జనాలు బయటికి వెళ్లాలంటే ఇబ్బందిపడుతున్నారు. ఈ క్రమంలో భారత వాతావరణ శాఖ తెలంగాణ రాష్ట్రానికి గుడ్ న్యూస్ చెప్పింది. రాష్ట్రంలో త్వరలో వర్ష సూచన ఉందని, మండుటెండల నుంచి కాస్త ఉపశమనం దొరుకుతుందని తెలిపింది. 7, 8 తేదీల్లో అనేక ప్రాంతాల్లో తేలికపాటి నుంచి మోస్తరు వర్షాలు కురవనున్నాయని వాతావరణ శాఖ వెల్లడించింది. మండుటెండల్లో చల్లని కబురు చెప్పడంతో ప్రజలు ఊపిరిపీల్చుకుంటున్నారు.