వైఎస్ జయంతి సందర్భంగా రాహుల్ గాంధీ ఎమోషనల్ ట్వీట్.. షర్మిల ఇంట్రెస్టింగ్ రిప్లై

దిశ, వెబ్‌డెస్క్: దివంగత ఏపీ సీఎం వైఎస్ రాజశేఖర్ రెడ్డి జయంతి సందర్భంగా కాంగ్రెస్ అగ్రనేత రాహుల్ గాంధీ ఆయనను స్మరించుకున్నారు. వైఎస్ 74వ జయంతి సందర్భంగా రాహుల్ గాంధీ ఎమోషనల్ ట్వీట్ చేశారు. దివంగత ఏపీ సీఎం వైఎస్ రాజశేఖర్ రెడ్డి గొప్ప విజనరీ ఉన్నా లీడర్ అని కొనియాడారు. ఏపీ ప్రజల సంక్షేమం కోసం జీవితాన్ని అంకితం చేసిన గొప్ప వ్యక్తి వైఎస్‌ఆర్ అని ప్రశంసించారు. వైఎస్ రాజశేఖర్ రెడ్డి ఎల్లప్పుడు ప్రజల గుండెల్లో ఉంటారని రాహుల్ గాంధీ ట్వీట్ చేశారు. కాగా, రాహుల్ గాంధీ చేసిన ఈ ట్వీట్‌కు వైఎస్ కూమార్తె, వైఎస్సార్టీపీ పార్టీ అధ్యక్షురాలు షర్మిల స్పందించారు.

వైఎస్ జయంతి సందర్భంగా ఆయనను గుర్తు చేసుకున్నందుకు రాహుల్ గాంధీకి ధన్యవాదాలు తెలిపారు. దివంగత సీఎం వైఎస్ రాజశేఖరరెడ్డి జయంతి సందర్భంగా మీ మంచి మాటలకు ధన్యవాదాలని రాహుల్ ట్వీట్‌కు షర్మిల రిప్లై ఇచ్చారు. రాహుల్ గాంధీ నాయకత్వంలో దేశానికి ఉజ్వల భవిష్యత్తు ఉంటుందని విశ్వసించిన వ్యక్తి వైఎస్ రాజశేఖర్ రెడ్డి అని పేర్కొన్నారు. డాక్టర్ వైఎస్‌ఆర్‌ను మీ గుండెల్లో శాశ్వతంగా ఉంచుకున్నందుకు ధన్యవాదాలు అని అన్నారు. ఆయన సంక్షేమ పాలనకు నేటికీ దేశవ్యాప్తంగా గుర్తింపు ఉందన్నారు. తెలుగు ప్రజల సేవలో మరణించిన నిబద్ధత కలిగిన కాంగ్రెస్ నాయకుడు డాక్టర్ వైఎస్ఆర్ అని ఈ సందర్భంగా వైఎస్ షర్మిల రాహుల్ ట్వీట్‌కు బదులిచ్చారు.

Read More..

వైఎస్ఆర్ ప్రజల హృదయాల్లో చిరస్థాయిగా నిలిచిపోయారు.. వైఎస్ షర్మిల