అర్థరాత్రి వేళ ప్రభాస్‌ అభిమానుల హల్‌చల్‌

దిశ, వెబ్‌డెస్క్: స్టార్ హీరో ప్రభాస్ (Prabhas) ఇంటి ముందు అర్థరాత్రి వేళ ఆయన అభిమానులు హల్‌చల్ చేశారు. అక్టబోర్ 23 ప్రభాస్ పుట్టినరోజు సందర్భంగా 22వ తేదీ అర్థరాత్రి 12 గంటలు దాటిన తర్వాత జూబ్లీహిల్స్‌లోని ఆయన ఇంటి ముందు భారీగా చేరిన ప్రభాస్ అభిమానులు లోనికి వెళ్లేందుకు ప్రయత్నించారు. విషయం తెలియగానే పోలీసులు అక్కడకు చేరుకుని వారిని అడ్డుకున్నారు. ఈ క్రమంలోనే పోలీసులకు, ప్రభాస్ అభిమానులకు మధ్య వాగ్వాదం జరిగింది. అయినా పోలీసులు లోనికి అనుమతించక పోవడంతో ప్రభాస్‌ను కలవాలంటూ వారంతా రోడ్డుపై బైఠాయించారు. దీంతో పోలీసులు వారిని అక్కడి నుంచి చెదరగొట్టి పంపించారు.

ఇదిలా ఉంటే ప్రభాస్ పుట్టినరోజు సందర్భంగా నేడు అనేకమంది సినీ ప్రముఖులు, సెలబ్రిటీలు ఆయనకు శుభాకాంక్షలు చెబుతూ సోషల్ మీడియాలో పోస్ట్‌లు పెడుతున్నారు. ఇక ఫ్యాన్స్ (Fans) అయితే రాష్ట్రం మొత్తం ఆయన ఫ్రెక్సీలతో రచ్చ చేస్తున్నారు. నార్త్ ఇండియాలో కూడా అనేక ప్రాంతాల్లో ప్రభాస్ పుట్టినరోజు వేడుకలు జరుపుకుంటున్నట్లు తెలుస్తోంది.