ఎస్సై, కానిస్టేబుల్ అభ్యర్థులకు మొదలైన దేహదారుఢ్య పరీక్షలు

దిశ, తెలంగాణ క్రైం బ్యూరో: కోర్టు తీర్పుతో క్వాలిఫై అయిన ఎస్సై, కానిస్టేబుల్​అభ్యర్థులకు బుధవారం నుండి దేహధారుఢ్య పరీక్షలు ప్రారంభమయ్యాయి. హైకోర్టు ఉత్తర్వుల మేరకు ప్రిలిమ్స్​పరీక్షలో అదనంగా మార్కులు కలపటంతో అభ్యర్థులు అదనంగా క్వాలిఫై అయిన విషయం తెలిసిందే. ఇక, దేహధారుఢ్య పరీక్షల్లో ఎత్తుకు సంబంధించి ఒక సెంటీమీటర్​.. అంతకన్నా తక్కువ ఎత్తుతో డిస్​క్వాలిఫై అయిన అభ్యర్థులకు మరోసారి ఫిజికల్​ఈవెంట్స్‌లో పాల్గొనే అవకాశాన్ని నియామక మండలి బోర్డు కల్పించింది.

ఈ క్రమంలో క్వాలిఫైడ్​అభ్యర్థులు, పార్ట్​2 అప్లయ్​చేసి అడ్మిట్​కార్డు పొందినవారు.. తాజా పరీక్షలకు హాజరయ్యారు. రాష్ట్రంలో హైదరాబాద్, సైబరాబాద్, వరంగల్, కరీంనగర్, మహబూబ్​నగర్, ఆదిలాబాద్, నల్గొండ జిల్లాల్లో పరీక్షలు మొదలయ్యాయి. హైట్​చెకింగ్‌కు సంబంధించి హైదరాబాద్‌లోని అంబర్​పేట పోలీస్​గ్రౌండ్స్, కొండాపూర్‌లోని 8వ బెటాలియన్​గ్రౌండ్స్‌లో రీ మెజర్‌మెంట్​టెస్టులు జరిపారు.

Also Read..

పది మందికి ఐఏఎస్ హోదా.. గుర్తింపు ఇచ్చిన డీవోపీటీ