ప్రమాదవశాత్తు గోడ కూలి మహిళ మృతి

దిశ, కోరుట్ల టౌన్ : గత కొద్దీ రోజూలుగా కురుస్తున్న వర్షాలకు ప్రమాదవశాత్తు బాత్రూం గోడ కూలి మహిళ మృతి చెందిన సంఘటన కోరుట్లలో జరిగింది. కోరుట్ల ఏస్సై కిరణ్ తెలిపిన వివరాల ప్రకారం పట్టణంలోని జవహర్ రోడ్ కు చెందిన భొస్కరి విజేత (29) స్నానం చేయడం కోసం బాత్రూం కు వెళ్ళింది. అంతంతలోనే వర్షాలకు తడిసిన గోడ కూలి విజేతపై పడింది, ఆమెకు తీవ్ర గాయాలయ్యాయి. వెంటనే ఆమె కుటుంబసభ్యులు ప్రభుత్వ ఆసుపత్రికి తరలించారు. అయినా లాభం లేకుండా పోయింది. ఆమె ప్రాణాలు కోల్పోయింది. ఆమె భర్త కాశీరామ్ ఇచ్చిన పిర్యాదు మేరకు పోలీసులు కేసు నమోదు చేశారు మృతురాలికి ఇద్దరూ పిల్లలున్నారు. మృతురాలి కుటుంబాన్ని ప్రభుత్వం ఆదుకోవాలని స్థానికులు కోరారు.