పేకాట స్థావరంపై టాస్క్ ఫోర్స్ పోలీసుల దాడి

దిశ ప్రతినిధి, నిజామాబాద్ : నిజామాబాద్ జిల్లా మాక్లూర్ మండలం ధర్మోరా గ్రామ శివారులో పేకాట స్థావరంపై టాస్క్ ఫోర్స్ పోలీసులు దాడులు చేశారు. పోలీసు కమిషనర్ కల్మేశ్వర్ ఆదేశాల మేరకు టాస్క్ ఫోర్స్ ఏసీపీ రాజశేఖర్ రాజ్, సీఐ అంజయ్య ఆధ్వర్యంలో దాడి నిర్వహించారు. ఈ దాడిలో పేకాట ఆడుతున్న 17 మందిని గుర్తించారు. వారి వద్ద నుంచి రూ.74,700 నగదును స్వాధీనం చేసుకున్నారు. వారిపై మాక్లూర్ పోలీస్ స్టేషన్ లో గేమింగ్ యాక్టు ప్రకారం కేసు నమోదు చేసి తదుపరి చర్యలకై అప్పగించినట్లు పోలీసులు తెలిపారు.