వృద్ధుడిని దోచారు..అడ్డంగా దొరికారు..

దిశ ప్రతినిధి, నిజామాబాద్ : బ్యాంక్ నుంచి డబ్బులు డ్రా చేసుకుని వెళ్తున్న ఓ వృద్ధుడిని దోచుకుని వెళ్లిన ఇద్దరు యువకులను అరెస్టు చేసినట్లు నిజామాబాద్ ఏసీపీ వెంకటేశ్వర్ తెలిపారు. మంగళవారం ఏసీపీ కార్యాలయంలో ఏర్పాటు చేసిన విలేకరుల సమావేశంలో ఏసీపీ వివరాలను వెల్లడించారు. ఈ నెల 1న ప్రగతినగర్ కు చెందిన ధర్మపురి అనే వృద్ధుడు సిటి యూనియన్ బ్యాంక్ లో రూ.48,000 డ్రా చేసుకుని ఇంటికి వెళ్తుండగా నిజామాబాద్ లోని ఆటోనగర్ కు చెందిన షేక్ నెహాల్, శాంతినగర్ చెందిన సోఫి అహ్మద్ అనే యువకులు పల్సర్ పై వచ్చి అతన్ని జేబులో నుంచి డబ్బులు లాక్కొని తోసివేసి పరారీ అయ్యారని ఏసీపీ తెలిపారు.

మంగళవారం షేక్ నెహాల్, సోఫి హైమద్ లను సీపీ కెమెరాల్లో రికార్డు అయిన వాటి ఆధారంగా 4వ టౌన్ ఎస్సై సందీప్ ఆధ్వర్యంలో పట్టుకున్నట్లు ఏసీపీ తెలిపారు. సీసీ కెమెరాలో దొరికిన పుటేజి ఆధారంగా ఇద్దరు యువకులను అరెస్టు చేసి రిమాండ్ పంపినట్లు తెలిపారు. కేసును చాకచక్యంగా చేధించడంలో ఎస్సై సందీప్ తో పాటు హెడ్ కానిస్టేబుళ్ళు సందీప్, అసద్ లతో పాటు కానిస్టేబుళ్ళు రమేష్ లను ఏసీపీ అభినందించారు.