కామారెడ్డిలో అక్రమ లే అవుట్ ల పై విచారణ జరపాలని సీఎస్ శాంతికుమారికి ఫిర్యాదు చేసిన ఎమ్మెల్యే...

దిశ, కామారెడ్డి : కామారెడ్డి పట్టణంతో పాటు నియోజక వర్గ పరిధిలోని అక్రమ లే అవుట్ ల విషయంలో విచారణ చేపట్టాలని తెలంగాణ రాష్ట్ర ప్రధాన కార్యదర్శి (ప్రిన్సిపల్ సెక్రటరీ) శాంతి కుమారికి కామారెడ్డి శాసన సభ్యులు కాటిపల్లి వెంకట రమణ రెడ్డి గురువారం వినతిపత్రం అందజేశారు. ఈ సందర్భంగా ఆయన మాట్లాడుతూ...కామారెడ్డి పట్టణంలో అక్రమంగా, నిబంధనలకు విరుద్ధంగా ఉన్న లే అవుట్ ల పై విచారణ చేపట్టాలని, అక్రమ కట్టడాల విషయంలో కూడా విచారణ చేపట్టాలని, ఓపెన్ ల్యాండ్ ల విషయంలో కొన్ని కబ్జాలకు గురయ్యాయని, మున్సిపల్ లో జరుగుతున్న అవినీతిపై కూడా విచారణ చేపట్టాలని కోరారు. పట్టణంలో కొన్ని ప్రభుత్వ భూములు, అసైన్డ్ భూములు కబ్జా కు గురయ్యాయని, అన్నింటి పై విచారణ చేపట్టి వాటిని స్వాధీనం చేసుకోవాలని కోరారు.