జవహర్ నవోదయలో ఆరో తరగతి ప్రవేశానికి గడువు పెంపు..

దిశ, నిజాంసాగర్ : నిజాంసాగర్ మండల కేంద్రంలోని జవహర్ నవోదయ విద్యాలయంలో 2025 - 26 విద్యా సంవత్సరానికి గాను ఆరో తరగతిలో ప్రవేశానికి దరఖాస్తు చేసుకునే గడువును ఈ నెల 23 వరకు పొడిగించినట్లు జవహర్ నవోదయ ప్రిన్సిపల్ సత్యవతి తెలిపారు. ముందుగా విడుదల చేసిన నోటిఫికేషన్ ప్రకారం గడువు చివరి తేది సెప్టెంబర్ 16 కాగా సెప్టెంబర్ 23 వరకు పొడిగించినట్లు తెలిపారు. ఆసక్తి ఉన్న విద్యార్థులు Https://navodaya.gov.in వెబ్సైట్లో దరఖాస్తు చేసుకోవాలని ఆమె సూచించారు. దరఖాస్తు చేసుకున్న వారికి 2025 జనవరి 18న పరీక్షలు నిర్వహిస్తామని ప్రిన్సిపల్ తెలిపారు.