విద్యుదాఘాతంతో ఇల్లు దగ్ధం

దిశ ,ఆర్మూర్ : ఆర్మూర్ మున్సిపల్ పట్టణ కేంద్రం లోని చిన్న బజార్ లో లక్ష్మీనారాయణ ఆలయం వద్ద దోండి బుడ్డు స్వామి కి చెందిన ఇల్లు విద్యుదాఘాతంతో సోమవారం పూర్తిగా దగ్ధమైంది. 32వ వార్డులో దోండి బుడ్డు స్వామి ఇంట్లో అప్లెట్ రాజు అనే వ్యక్తి అద్దెకుంటున్నారు. ఈ ఇంట్లో మధ్యాహ్నం వేళ విద్యుత్ మీటర్ లో మంటలు చెలరేగి విద్యుదాఘాతానికి పెంకుటిల్లు పూర్తిగా దగ్ధమైంది. గమనించిన స్థానికులు సమాచారంతో..అగ్నిమాపక సిబ్బంది మంటలను ఆర్పివేశారు. ఇల్లు దగ్ధం కావడంతో పూర్తిగా కూలిపోయింది. ఇంట్లో ఉన్న సరుకులతో పాటు వస్తువులన్నీ కాలీపోయాయి. ఇంట్లోని వస్తువులు పూర్తిగా కాలిపోవడంతో రోడ్డున పడ్డామని కుటుంబ సభ్యులు కన్నీటి పర్యంతమయ్యారు. స్వామికి చెందిన ఇల్లు పూర్తిగా దగ్ధం కావడంతో..రూ. 10 లక్షల ఆస్తి నష్టం జరిగిందని అగ్నిమాపక శాఖ అధికారి మధుసూదన్ రెడ్డి తెలిపారు. దీంతో  తమను ప్రభుత్వ ఆదుకోవాలని బాధితులు వేడుకుంటున్నారు.