కాలకృత్యాలకు వెళ్లి..వ్యవసాయ కూలి ఆత్మహత్య

దిశ, నవీపేట్ : తాగుడుకు బానిసై జీవితంపై విరక్తి చెంది మండల కేంద్రం తడగామకు చెందిన వ్యవసాయ కూలీ స్థానిక చెరువులో దూకి ఆత్మహత్య చేసుకున్నాడు. పోలీసుల కథనం ప్రకారం..మండల కేంద్రం తడగామకు చెందిన హన్మాండ్లు (34), అనే వ్యవసాయ కూలీ గతంలో తాగుడుకు బానిసై ఆత్మహత్య యత్నం చేశాడని, శుక్రవారం సాయంత్రం కాలకృత్యాలకి వెళ్తున్నానని వెళ్లి.. తిరిగిరాకపోయేసరికి రాత్రి పిల్లలతో కలిసి భార్య గల్లీలో ఆచూకీ కోసం వెతికింది. శనివారం చెరువు కట్టపై గజఈతగాళ్లు వెళ్లి గాలించగా..మృతదేహం లభ్యమైందని తెలిపారు. అనంతరం పోస్టుమార్టం కోసం  జిల్లా జనరల్ హాస్పిటల్ కు తరలించామన్నారు. మృతుడి భార్య రూప ఫిర్యాదు మేరకు కేసు నమోదు చేసుకున్న పోలీసులు..దర్యాప్తు చేస్తున్నట్లు నవీపేట్ ఎస్సై కె.వినయ్ తెలిపారు.