లారీ డ్రైవర్ వద్ద గంజాయి పట్టివేత..

దిశ, మేళ్లచెరువు : మేళ్లచెరువు మండల కేంద్రంలో గంజాయి పట్టుబడిన సంఘటన వెలుగులోనికి వచ్చింది. మేళ్లచెరువు పోలీస్ స్టేషన్లో శనివారం ఏర్పాటు చేసిన విలేకరుల సమావేశంలో ఇన్చార్జ్ సీఐ రామకృష్ణారెడ్డి, ఎస్సై పరమేష్ తెలిపిన వివరాల ప్రకారం TS-29TC0549 సిమెంట్ ట్యాంకర్ లో గంజాయి రవాణా చేస్తున్నారన్న సమాచారంతో శనివారం మేళ్లచెరువు లోని హుజూర్నగర్ క్రాస్ రోడ్ వద్ద ఎస్సై తమ సిబ్బందితో మాటు వేశారు. ఈ క్రమంలోనే TS-29TC0549 సిమెంట్ ట్యాంకర్ డ్రైవర్ సింహాద్రి నాగరాజుని అదుపులోకి తీసుకొని విచారించగా అతని వద్ద 252 గ్రాముల గంజాయి లభించినట్లు, దానిని ఒరిస్సా రాష్ట్రం నుంచి కొనుగోలు చేసి మేళ్లచెరువులోని తన స్నేహితులు తాగేందుకు తీసుకొస్తున్నట్టుగా తెలిపారు. ఈ మేరకు కేసు నమోదు చేసి విచారిస్తున్నట్లు పోలీసులు తెలిపారు.