' సన్నీయాదవ్‌ దేశంలో అడుగుపెడితే అరెస్టు చేసూడే..'

దిశ, సూర్యాపేట : బెట్టింగ్ యాప్ ప్రమోషన్ల కేసులో యూ ట్యూబ్ ఇన్ఫ్లుఎన్సర్ బయ్యా సన్నీ యాదవ్ పై పోలీసులు లుక్ ఔట్ సర్కులర్ జారీ చేశారు. బెట్టింగ్ ప్రమోషన్ల విషయంలో ఈ నెల 5న సూర్యాపేట జిల్లా నూతనకల్ పోలీస్ స్టేషన్ లో సన్నీ యాదవ్ పై కేసు నమోదైంది. విచారణలో భాగంగా సన్నీ యాదవ్ విదేశాల్లో ఉన్నట్లు గుర్తించి పోలీసులు లుక్ ఔట్ సర్కులర్ జారీ చేసినట్లు సూర్యాపేట డీఎస్పీ రవి మీడియాకు వివరాలు వెల్లడించారు. సన్నీ యాదవ్ విదేశాల నుండి ఏ మార్గంలో భారత్ వచ్చిన సందర్భంలో ఇమిగ్రేషన్ అధికారుల ద్వారా సన్నీని అరెస్ట్ చేస్తామని తెలిపారు.

యూట్యూబ్‌ వీడియోలతో బెట్టింగ్‌ యాప్‌లకు ప్రచారం చేస్తున్న సన్నీయాదవ్‌ పై ఆర్టీసీ ఎండీ సజ్జనార్‌ సోషల్ మీడియాలో పోస్టు చేసి సూర్యాపేట జిల్లా ఎస్పీ సోషల్‌ మీడియా అకౌంట్ కు ట్యాగ్‌ చేసిన సంగతి తెలిసిందే. ఈ కేసును సుమోటోగా తీసుకుని విచారణ చేపట్టిన సూర్యాపేట జిల్లా నూతనకల్‌ పోలీసులు సన్నీ యాదవ్‌ కోసం గాలిస్తున్నారు. సూర్యాపేట జిల్లా నూతనకల్‌ మండల కేంద్రానికి చెందిన సన్నీ యాదవ్‌ సోషల్ మీడియా ద్వారా బెట్టింగ్‌ యాప్‌లను ప్రచారం చేస్తూ ప్రజలను మోసం చేస్తున్నట్లు పలు ఫిర్యాదులు వచ్చాయి. అయితే, లండన్‌లో ఉన్న అతనిపై సూర్యాపేట జిల్లా సైబర్‌ క్రైం పోలీసులు లుకౌట్‌ నోటీసులు జారీ చేశారు.