శ్రీ సత్య దేవా సహిత అయ్యప్ప దేవాలయంలో అన్న ప్రసాద వితరణ

దిశ, చౌటుప్పల్ టౌన్: భక్తిశ్రద్ధలతో పూజలు చేస్తే అయ్యప్ప అనుగ్రహం తప్పక లభిస్తుందని చౌటుప్పల్ లోని ప్రముఖ డాక్టర్ మువ్వా సుమన్ కళ్యాణ్-దివ్య దంపతులు అన్నారు. గుత్తికొండ సుధీర్ గురుస్వామి బృందం శబరి యాత్ర సందర్బంగా..గోశిక వినయ్, ఉప్పు ఆంజనేయులు, తిరందాస్ జగన్నాథం గురుస్వాముల ఆధ్వర్యంలో ఆదివారం అన్న ప్రసాద వితరణ కార్యక్రమం నిర్వహించినారు. ఈ సందర్భంగా దేవాలయంలో ప్రత్యేక పూజలు చేసి..వేద పండితుల ఆశీర్వాదం తీసుకుంటున్నారు. ఈ సందర్బంగా అన్నప్రసాద వితరణ దాతలు మాట్లాడుతూ..భగవంతునికి భక్తి భావంతో మనస్ఫూర్తిగా పూజలు చేస్తే భగవంతుడు ఎల్లప్పుడు మన వెంటే ఉంటాడని పేర్కొన్నారు.

హరిహర పుత్రుడు శ్రీ అయ్యప్ప స్వామి మాలవేసి దీక్షలు చేస్తున్న స్వాములకు అన్న ప్రసాద వితరణ చేస్తే ఈ కలియుగంలో అంతకంటే పుణ్యఫలం ఏదీ లేదని అన్నారు. ఈ కార్యక్రమంలో అయ్యప్ప దేవాలయం అధ్యక్షుడు కామిశెట్టి భాస్కర్, వ్యవస్థాపక అధ్యక్షుడు బొబ్బిళ్ళ మురళి, ఉపాధ్యక్షుడు తుర్పటి శంకర్, ప్రధాన కార్యదర్శి చింతల సాయిలు, ఉప్పు ఆంజనేయులు దాచేపల్లి ప్రకాష్ గుప్తా, ఉప్పు భద్రయ్య, డాక్టర్ సుమన్ కళ్యాణ్, మల్లేపల్లి శ్రీనివాసరెడ్డి, చిలువేరు మంగయ్య, సుక్క సుదర్శన్, పెద్దగోని రమేష్ గౌడ్, బోరెం రాజశేఖర్ రెడ్డి, కుంటల శశికాంత్, బోరెం దయాకర్ రెడ్డి, కొలను స్వామిదాస్, చోల్లేటి పాండురంగచారి, గంట నాగరాజు దాడి అశోక్ రెడ్డి, మిర్యాల విజయ్ కుమార్, సంపత్, రమణారావు, తూర్పాటి వెంకటేష్, చెరుకుపల్లి వేణుమాధవ్ రెడ్డి, కౌశిక్ రెడ్డి, సుక్క రాంచరణ్, తేజేశ్వర్, తూర్పాటి గోపీచంద్ తదితరులు పాల్గొన్నారు.