మార్కెట్ కమిటీ చైర్మన్ గా బీసీలకు అవకాశం కల్పించాలి.. జాజుల లింగం గౌడ్..

దిశ, మిర్యాలగూడ టౌన్ : మిర్యాలగూడ వ్యవసాయ మార్కెట్ కమిటీ చైర్మన్ గా బీసీలకు అవకాశం కల్పించాలని కోరుతూ ఎమ్మెల్సీ, టీపీసీసీ అధ్యక్షులు మహేష్ కుమార్ గౌడ్ కు బీసీ సంఘం రాష్ట్ర కార్యదర్శి జాజుల లింగం గౌడ్ శనివారం వినతిపత్రం అందజేశారు. ఈ సందర్భంగా ఆయన మాట్లాడుతూ గత 18 సంవత్సరాలుగా బీసీలకు అవకాశం రావడం లేదని ఈసారైనా బీసీలకు చైర్మన్ పదవి ఇవ్వాలని అన్నారు.

నల్గొండ జిల్లాలో గ్రామస్థాయి నుంచి ఒకే సామాజిక వర్గానికి ప్రభుత్వ, పార్టీ పదవులు దక్కుతున్నాయని ఆరోపించారు. జనాభాలో 55 శాతం ఉన్న బీసీలకు తీరని అన్యాయం జరుగుతుందన్నారు. జనరల్ మహిళకు రిజర్వ్ అయినందుకు బీసీలకు అవకాశం కల్పించాలని కోరారు. తక్షణమే మార్కెట్ పాలకవర్గాన్ని నియమించాలని అన్నారు.