Prajavani : 46 ఏళ్ల నిరీక్షణ.. ప్రజావాణితో సాకారం...

దిశ, నకిరేకల్ : రేవంత్ రెడ్డి చేపట్టిన ప్రజావాణితో 46 ఏళ్ల నిరీక్షణకు ఓ రైతుకు సాకారం దక్కింది. నల్లగొండ జిల్లా కట్టంగూరు మండలం ఎర్రసానిగూడెం గ్రామానికి చెందిన కొమ్మన బోయిన పిచ్చయ్య 1978 నుంచి తన హక్కుగా ఉన్న భూమి పాస్ పుస్తకం కొరకు రెవెన్యూ అధికారుల చుట్టూ తిరిగారు. అయినా ఫలితం దక్కకపోవడంతో ప్రజావాణిలో ఫిర్యాదు చేశారు. ఫిర్యాదు చేసిన 100 రోజులలోనే ఫిర్యాదు దారుడికి పాస్ పుస్తకాన్ని మంజూరు చేశారు. పాస్ పుస్తకాన్ని చిన్నారెడ్డి చేతుల మీదుగా అందుకొని ఆనందం వ్యక్తం చేశారు. ప్రజావాణి ద్వారా తన కల సహకారం అయిందని సంతోషం వ్యక్తం చేశారు.