ట్రాక్టర్, బైక్ ఢీకొని యువకుడు మృతి

దిశ ,చివ్వేంల: మండల పరిధిలోని బిబిగుడెం సమీపంలో ట్రాక్టర్‌ను బైక్‌ ఢీకొన్న ఘటనలో ఓ యువకుడు మృతి చెందాడు. పోలీసులు తెలిపిన వివరాల ప్రకారం.. సూర్యాపేట మండలం కాసరబాధ గ్రామానికి చెందిన బగ్గు లచ్చిబాబు(27) మోటార్ సైకిల్ పై సిరికొండ బంధువుల ఫంక్షన్ కు వెళ్లి.. రాత్రి సూర్యాపేట వైపుకు వస్తుండగా బిబిగుడెం సమీపంలో ప్రమాదం జరిగింది. దీంతో బగ్గు లచ్చిబాబుకు తీవ్ర గాయాలు కావడంతో అక్కడికక్కడే మృతి చెందాడు. మృతుడి భార్య మనిషా ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఏఎస్ఐ వెంకన్న తెలిపారు.