ఎంపీ కోమటిరెడ్డిపై బీఆర్ఎస్ కార్యకర్తల దాడి

దిశ, వెబ్‌డెస్క్: నల్లగొండలో కాంగ్రెస్ కీలక నేత, భువనగిరి ఎంపీ కోమటిరెడ్డి వెంకట్ రెడ్డికి చేదు అనుభవం ఎదురైంది. జిల్లాలోని ఇటుకలపాడుకు వచ్చే రూట్లో రోడ్లు బాగోలేవని ఓ కార్యక్రమంలో రాష్ట్ర ప్రభుత్వంపై ఎంపీ కోమటిరెడ్డి వెంకట్ రెడ్డి తీవ్ర విమర్శలు చేశారు. దీంతో ఆగ్రహం వ్యక్తం చేసిన బీఆర్ఎస్ కార్యకర్తలు కోమటిరెడ్డిపై కుర్చీలు, కర్రలు విసిరి దాడికి యత్నించారు. ఈ క్రమంలో వెంటనే అప్రమత్తమైన కాంగ్రెస్‌ కార్యకర్తలు బీఆర్ఎస్‌ కార్యకర్తలపై ఎదురుదాడికి దిగారు. దీంతో ఇరు వర్గాల మధ్య వాగ్వాదం, తోపులాట జరిగింది. విషయం తెలుసుకున్న పోలీసులు వెంటనే అక్కడకు చేరుకొని ఇరు వర్గాలను చెదరగొట్టారు. ప్రస్తుతం అక్కడ ఉద్రిక్త పరిస్థితి నెలకొంది.