మంత్రి సీతక్కకు ఏమీ తెలియదు..నాలెడ్జ్ లేదు: ఎమ్మెల్యే కౌశిక్ రెడ్డి

దిశ, వెబ్‌డెస్క్: తెలంగాణ అసెంబ్లీ సమావేశాల్లో హుజురాబాద్ ఎమ్మెల్యే పాడి కౌశిక్ రెడ్డి మంత్రి సీతక్క పై కీలక వ్యాఖ్యలు చేశారు. సభలో మహిళలకు ఉచిత బస్సు ప్రయాణంపై చర్చ సందర్భంగా ఎమ్మెల్యే కౌశిక్ రెడ్డి మాట్లాడుతూ.. కాంగ్రెస్ ప్రభుత్వం ఆటో డ్రైవర్లను మోసం చేసిందని.. వారి మేనిఫెస్టోలో ఇచ్చిన హామీ ప్రకారం.. బడ్జెట్ లో కేటాయింపులు చేయలేదని అన్నారు. అలాగే రాష్ట్ర వ్యాప్తంగా ఆర్టీసీ బస్సుల్లో మహిళలకు ఇస్తున్న ఉచిత బస్సు సౌకర్యం తో ఇబ్బందులు ఉన్నాయని, అవన్నీ మంత్రి సీతక్కకు తెలియదని, నాలెడ్జ్ లేదని బీఆర్ఎస్ ఎమ్మెల్యే కౌశిక్ రెడ్డి అన్నారు. అనంతరం స్పీకర్ గడ్డం ప్రసాద్… ఎమ్మెల్యే కౌశిక్ రెడ్డి వ్యాఖ్యలను తప్పుబట్టారు. మహిళా సభ్యురాలిని అలా అనడం సరికాదని.. వెంటనే ఆమెకు క్షమాపణ చెప్పాలని సూచించగా.. మంత్రి సీతక్క పై చేసిన వ్యాఖ్యలను వెనక్కి తీసుకుంటున్నట్లు కౌశిక్ రెడ్డి స్పీకర్ తో తెలిపారు.