తెలంగాణలో కాంగ్రెస్ 12 ఎంపీ సీట్లు గెలుస్తోంది: మంత్రి శ్రీధర్ బాబు

దిశ, వెబ్‌డెస్క్: వచ్చే పార్లమెంట్ ఎన్నికల్లో 12 సీట్ల వరకు గెలుస్తామని మంథని ఎమ్మెల్యే మంత్రి శ్రీధర్ బాబు ధీమా వ్యక్తం చేశారు. బుధవారం కాటారం మండలం ధన్వాడలో తన నివాసంలో మీడియాతో మాట్లాడుతూ.. కాంగ్రెస్ పార్టీ నాయకులందరూ కష్టపడి రాహూల్ గాంధీని ప్రధానమంత్రిని చేయాలని కోరారు. తెలంగాణలో 12 సీట్లతో కాంగ్రెస్ విజయం సాధిస్తుదని వెల్లడించారు. ఎన్నికల సమయంలో కాంగ్రెస్ ప్రభుత్వం ఇచ్చిన హామీలన్నీ నెరవేర్చేందుకు కృషి చేస్తున్నామని మరోసారి గుర్తుచేశారు. బడుగు బలహీన వర్గాలతో పాటు మైనార్టీల అభివృద్ధి కాంగ్రెస్ హయాంలోనే జరిగిందని పేర్కొన్నారు. ప్రణాళిక బద్ధంగా రాష్ట్ర అభివృద్దికి కృషి చేస్తున్నామని ఎలాంటి అపోహాలు పెట్టుకోరాదని అన్నారు.