MLC Jeevan Reddy: మంత్రి కేటీఆర్, కవితలపై ఎమ్మెల్సీ జీవన్ రెడ్డి ఇంట్రెస్టింగ్ కామెంట్స్

దిశ, వెబ్‌డెస్క్: రాష్ట్రంలో అసెంబ్లీ ఎన్నికల వేడి మొదలైంది. తెలంగాణలో ప్రధాన పార్టీలు అయిన బీఆర్ఎస్, కాంగ్రెస్, బీజేపీల మధ్య మాటల యుద్ధం నడుస్తోంది. పేపర్ లీకేజీ వ్యవహారంపై స్పీడ్ పెంచిన కాంగ్రెస్.. జిల్లాల వారిగా నిరుద్యోగ నిరసన సభ, ర్యాలీలతో అధికార బీఆర్ఎస్ పార్టీని ఇరుకున పెడుతోంది. దీంతో బీఆర్ఎస్, కాంగ్రెస్ నేతల మధ్య మాటల తుటాలు పేలుతున్నాయి. ఇదిలా ఉండగా.. కాంగ్రెస్ సీనియర్ నేత, ఎమ్మెల్సీ జీవన్ రెడ్డి చేసిన వ్యాఖ్యలు ఆసక్తికరంగా మారాయి. జీవన్ రెడ్డి తన కొడుకు పొలిటికల్ ఎంట్రీపై స్పందిస్తూ.. మంత్రి కేటీఆర్, ఎమ్మెల్సీ కవితలపై ప్రశంసలు కురిపించడం హాట్ టాపిక్‌గా మారింది.

వచ్చే ఎన్నికల్లో కూమారుడికి ఎమ్మెల్యే టికెట్‌పై స్పందించిన జీవన్ రెడ్డి.. రాజకీయం అనేది ఇస్తే వచ్చేది కాదని.. కేటీఆర్, కవితకు కూడా అవకాశం ఇస్తే వచ్చింది కాదని అన్నారు. తండ్రి ప్రోత్సాహంతో కేటీఆర్, కవిత రాజకీయాల్లోకి వచ్చినప్పటికీ.. వారిద్దరూ ఇంటెలిజెంట్ అని ఒప్పుకోవాలని ఆసక్తికర వ్యాఖ్యలు చేశారు. ఓ పక్కా కేటీఆర్ రియల్ ఎస్టేట్ దందా.. కవితది లిక్కర్ దందా అని కాంగ్రెస్ నేతలు విమర్శలు కురిపిస్తుంటే.. తెలంగాణ కాంగ్రెస్ సీనియర్ నేత అయిన జీవన్ రెడ్డి కేటీఆర్, కవితలపై ఇంటెలిజెంట్ అంటూ ప్రశంసలు కురిపించడం హాట్ టాపిక్‌గా మారింది.