రావి ఆకు పై సీతారాముల చిత్రాలు..

దిశ, అల్వాల్ ; శ్రీరామ నవమి పర్వదినాన్ని పురష్కరించుకొని అల్వాల్ కు చెందిన సూక్ష్మకళాకారుడు పూనప్రదీప్ కుమార్ రావి ఆకు పై వేసిన సీతారాములు, జై శ్రీరాం చిత్రాలను బుధవారం అద్భుతంగా చిత్రించారు. పర్వదినాలకు అనుగుణంగా ప్రదీప్ కుమార్ ఆకుచిత్రాలు చిత్రించి చూపరులను ఆకట్టుకుంటున్నారు.

వృత్తి పరంగా స్వర్ణకారుడైన ప్రదీప్ కుమార్ ప్రవృత్తి మాత్రం సూక్ష్మచిత్రాలు చిత్రించడానికి ఎంచుకున్నారు. జాతీయ నాయకులు చిత్రాలు జనగణమణ గీతాన్ని ఆకు పై చిత్రించి అవార్డులు రివార్డులు అందుకున్నారు. కళకేది కాదు అర్హం అంటూ ఆకు చిత్రాలతో ముందుకు పోతున్నాడు ప్రదీప్ కుమార్.