మద్యం మత్తులో వ్యక్తి హల్ చల్..

దిశ, మేడ్చల్ టౌన్: మేడ్చల్ పట్టణంలోని జాతీయ రహదారి 44 పై ఓ వ్యక్తి మద్యం మత్తులో చొక్కా విప్పేసి జై రేవంత్ రెడ్డి అంటూ హల్ చల్ చేశాడు. రహదారిపై పడుకొని వాహనాలను అడ్డుకుంటూ జై రేవంత్ రెడ్డి.. జై రేవంత్ రెడ్డి.. అని నినాదాలు చేశాడు. మద్యం మత్తులో వీరంగం సృష్టించిన వ్యక్తిని అడ్డుకునేందుకు ప్రయత్నించిన పోలీసులను సైతం లెక్క చేయకుండా చౌరస్తా వద్ద ఉన్న అంబేద్కర్ విగ్రహం వద్ద ఉన్న మెట్లు ఎక్కి జై అంబేద్కర్.. జై రేవంత్ రెడ్డి.. అంటూ నినాదాలు చేశాడు. తనకు పెళ్లి చేసుకునేందుకు పిల్ల దొరకట్లేదు అంటూ మంత్రి మల్లారెడ్డిని బండ బూతులు తిట్టాడు. మద్యం మత్తులో ఉన్న వ్యక్తికి మేడ్చల్ పోలీసులు సర్ది చెప్పి వారి బంధువులకు అప్పగించారు.