ఉరివేసుకొని మహిళ ఆత్మహత్య

దిశ, ములుగు: ఉరి వేసుకొని ఓ మహిళ ఆత్మహత్యకు పాల్పడిన ఘటన ములుగు మండల పరిధిలోని తునికి బొల్లారంలో గురువారం చోటుచేసుకుంది. ఎస్సై విజయ్ కుమార్ తెలిపిన వివరాల ప్రకారం... మండల పరిధిలోని అచ్చాయ పల్లికి చెందిన కీర్తి శ్యామల (40) బుధవారం ఉదయం ఇంటి నుంచి వెళ్లిపోవడంతో ఆమె భర్త వెంకటేష్ అదే రోజు సాయంత్రం ములుగు పోలీస్ స్టేషన్‌లో మిస్సింగ్ కేసు నమోదు చేయించారు. కాగా గురువారం ఉదయం సుమారు 7 గంటల సమయంలో తునికి బొల్లారం గ్రామ శివారులోని ఓ చెట్టుకు శ్యామల ఉరివేసుకొని మృతి చెందినట్లు గ్రామస్తులు గుర్తించి కుటుంబ సభ్యులకు, పోలీసులకు సమాచారం అందించడంతో ఘటన స్థలానికి చేరుకున్న పోలీసులు మృతదేహాన్ని శవపంచనామా నిమిత్తం గజ్వేల్ ప్రభుత్వ దవాఖానకు తరలించి, మృతురాలి తల్లి ఫిర్యాదు మేరకు అనుమానాస్పద కేసు నమోదు చేసి దర్యాప్తు చేస్తున్నట్లు ఎస్సై విజయ్ కుమార్ తెలిపారు.