Telangana election : సిద్ధిపేట జిల్లాలో ప్రశాంతంగా ఓటింగ్ ప్రక్రియ

దిశ, సిద్దిపేట ప్రతినిధి: సిద్దిపేట జిల్లాలో అసెంబ్లీ ఎన్నికల పోలింగ్ ఉదయం 7 గంటలకు ప్రారంభమైంది. జిల్లాలోని హుస్నాబాద్, గజ్వేల్, సిద్దిపేట, దుబ్బాక నియోజక వర్గాల పరిధిలో 1151 పోలింగ్ కేంద్రాల్లో పోలింగ్ ప్రక్రియ ప్రారంభమైంది. ఒకటి రెండు పోలింగ్ కేంద్రాల్లో ఈవీఎంలో సాంకేతిక సమస్య తలెత్తడంతో అధికారులు సమ్యను పరిష్కరించి పోలింగ్ ప్రక్రియను ప్రారంభించారు. సిద్దిపేట జిల్లాలో మొదటి రెండు గంటల్లో సిద్దిపేట నియోజక వర్గంలో 11.50 శాతం, దుబ్బాక నియోజక వర్గంలో 10.06 శాతం, హుస్నాబాద్ నియోజక వర్గంలో 12.67 శాతం, గజ్వేల్ నియోజక వర్గంలో 11.03 శాతం పోలింగ్ నమోదైనట్లు అధికారులు తెలిపారు.