ఇనుప కంచెలో ఇరుక్కున్న బాలుడి తల.. రెండు గంటల పాటు నరకయాతన

దిశ, అల్లాదుర్గం : ఇనుప కంచెలో ఓ బాలుడి తల ఇరుక్కొని రెండు గంటల పాటు ప్రాణాపాయ స్థితిలో కొట్టుమిట్టాడిన ఘటన మెదక్ జిల్లా మండల కేంద్రమైన అల్లాదుర్గం ఐబీ చౌరస్తా‌లో చోటుచేసుకుంది. ఐబీ చౌరస్తా ఫ్లైఓవర్ బ్రిడ్జి కింద సైడ్ ఇనుప కంచెలో ప్రయాణికుల్లోని ఓ బాలుడి తల ఇరుక్కుపోయి నరకయాతన పడ్డాడు. ఎవరు లాగినా.. ఆ బాలుడి తల బయటకు రాకపోవడంతో విలవిలలాడాడు. రెండు గంటల పాటు ఆ బాలుడిని చూసి ప్రయాణికులు అయ్యో పాపమని కన్నీరు పెట్టుకున్నారు. ఎట్టకేలకు అటుగా వెళ్తున్న ప్రయాణికులు ఇనుప రాడ్లను కట్ చేసి బాలుడిని రక్షించారు.