రాహుల్ జోడో యాత్ర చారిత్రాత్మకం : Revanth Reddy
రాహుల్యాత్ర చారిత్రాత్మకం అని టీపీసీసీ చీఫ్ రేవంత్ రెడ్డి - Revanth Reddy said that Rahul Jodo Yatra is historic
దిశ, పెద్ద శంకరంపేట్: రాహుల్ యాత్ర చారిత్రాత్మకం అని టీపీసీసీ చీఫ్ రేవంత్ రెడ్డి కొనియాడారు. ఆదివారం పెద్ద శంకరంపేట మండలంలోని కమలాపురం వద్ద జరిగిన పాత్రికేయుల సమావేశంలో ఆయన మాట్లాడారు. రాహుల్ పాదయాత్రకు అన్ని వర్గాల ప్రజలు తరలి వచ్చి సమస్యలు చెప్పుకుంటున్నారని తెలిపారు. ఈ భారత్ జోడో యాత్ర దేశ చరిత్రలో తరతరాలు గుర్తుంచుకునేలా ఉంటుందన్నారు. రాహుల్ పాదయాత్ర జరగకుండా బీజేపీ అడ్డుకునేందుకు ప్రయత్నిస్తుందన్నారు. ప్రజల్లో అభద్రతాభావాన్ని పోగొట్టి వారికి భరోసా ఇవ్వడానికి ఈ యాత్ర చేస్తున్నట్లు తెలిపారు.
ఈ యాత్రకు మహారాష్ట్రలో స్వాగతం పలకడానికి భారీగా ఏర్పాట్లు చేస్తున్నారని పేర్కొన్నారు. జుక్కల్ నియోజకవర్గంలో ఏడో తేదీన జరిగే ముగింపు సభలో 119 నియోజకవర్గాల నుంచి భారీగా కాంగ్రెస్ కార్యకర్తలు, నాయకులు తరలిరావాలని పిలుపునిచ్చారు. ఈ సమావేశంలో తెలంగాణ కాంగ్రెస్ నాయకులు మల్లు భట్టి విక్రమార్క, దుద్దిళ్ల శ్రీధర్ బాబు, జీవన్ రెడ్డి, షబ్బీర్ అలీ, సురేష్ కుమార్ షెత్కర్, పట్లోళ్ల సంజీవరెడ్డి తదితరులు పాల్గొన్నారు.
Read more :
1. కాంగ్రెస్‌కు వరుస వైఫల్యాలు.. 'చే'జారిన సిట్టింగ్ స్థానం