అగ్ని ప్రమాదంలో నివాస గృహాలు దగ్ధం

దిశ, మెదక్ ప్రతినిధి: అగ్ని ప్రమాదంలో మూడు నివాస గృహాలు దగ్ధమైన ఘటన హవేలీ ఘనపూర్ మండలం కుచన్ పల్లిలో మంగళవారం చోటుచేసుకుంది. బాధితుల కథనం ప్రకారం కుచన్ పల్లికి చెందిన గౌడ యాదయ్య, వెంకటి, యేసయ్య అన్నదమ్ములు. వ్యవసాయ పనుల కోసం వెళ్లిన సమయంలో వారి నివాస గృహాల్లో మంటలు వ్యాపించాయి.

ఒకటి తరవాత మరో ఇంటికి మంటలు వ్యాపించడంతో మూడు ఇళ్లోలో నిప్పంటుకుని అందులో ఉన్న వస్తువులు పూర్తిగా కాలి బూడిదయ్యాయి. మంటలను గమనించిన స్థానికులు ఫైర్ అధికారులకు సమాచారం అందించి మంటల వ్యాప్తిని అరికట్టారు. అప్పటికే ఇంట్లో ఉన్న బైక్, టీవి, నిత్యవసర సామాగ్రి బూడిదయ్యాయి. దాదాపు రూ.10లక్షల అస్తి నష్టం జరిగినట్లు బాధితులు తెలిపారు. సర్పంచ్ దేవాగౌడ్ ప్రమాదాన్ని స్థలాన్ని పరిశీలించి నష్టపోయిన బాధితులను ప్రభుత్వమే ఆదుకోవాలని కోరారు.