హరీష్ రావు సమక్షంలో బీఆర్ఎస్ లో చేరిన ప్రజాప్రతినిధులు

దిశ, సదాశివపేట : బీఆర్ఎస్ పార్టీ నియోజకవర్గ నాయకులు శివరాజ్ పాటిల్ ఆధ్వర్యంలో సదాశివపేట మండలం పెద్దాపూర్ ఎంపీటీసీ ముత్కని అనంతమ్మ, గ్రామ కురుమ గొల్ల అధ్యక్షులు ముత్కని రాములు, చందాపూర్ మాజీ ఎంపీటీసీ పెద్ద గొల్ల బక్కన్న హైదరాబాద్ లో మంత్రి హరీష్ రావు సమక్షంలో ఆదివారం బీఆర్ఎస్ పార్టీలో చేరారు. ఈ సందర్భంగా వారు మాట్లాడుతూ తమ అభిప్రాయాన్ని వ్యక్తం చేశారు. కేసీఆర్ చేస్తున్న అభివృద్ధి పనులు, దళిత బంధు, రైతుబంధు, రైతు బీమా, వివిధ కార్యక్రమాలకు ఆకర్షితులై, తెలంగాణ ప్రజలు కేసీఆర్ ను దేవుని లాగా చూస్తున్నారని, బీఆర్ఎస్ అభ్యర్థి చింతా ప్రభాకర్ ఓడిన, గెలిచిన పది సంవత్సరాల నుండి ప్రజల మధ్యలో ఉండి, ఎక్కడ సమస్య వచ్చినా నేనున్నానని ప్రతి నిత్యం సేవ చేస్తున్నారని కొనియాడారు.

సంగారెడ్డి నియోజకవర్గంలో ప్రజలు పార్టీకి ఊరురా బ్రహ్మరథం పడుతున్నారని అన్నారు. ఈ కార్యక్రమంలో బీఆర్ఎస్ మండల పార్టీ అధ్యక్షులు పెద్ద గొల్ల ఆంజనేయులు, నాయకులు రేజింతల్, సీఎస్.సత్యనారాయణ, బీసీ ఉద్యమ నేత సిరిబాబు, ప్రభు గౌడ్, ఎర్రోళ్ల శ్రీనివాస్, మూర్తి మైనార్టీ నాయకులు సయ్యద్, జలీల్ మొదలగు వారు పాల్గొన్నారు.